XİN: Çində vəhşi heyvanlar satılan bazar yoxdur

  23 Aprel 2020    Oxunub : 2142
XİN:  Çində vəhşi heyvanlar satılan bazar yoxdur
Çində vəhşi heyvanların satıldığı bazar yoxdur.
Azvision.az xəbər verir ki, bu barədə Çinin Xarici İşlər Nazirliyinin rəsmi nümayəndəsi Qen Şuan bildirib.

"Çində ən çox fermer bazarlarına və təzə ət, balıq, tərəvəz, digər dəniz, kənd təsərrüfatı məhsulları satılan bazarlara rast gəlmək olar. Quş əti satılan çox az bazar var", deyə diplomat bildirib.

O əlavə edib ki, belə bazarlar Çinlə yanaşı Cənub-Şərqi Asiyanın bir çox ölkələrində var və onlar beynəlxalq qanunlarla qadağan deyil.

"Vəhşi heyvanların ticarəti qanunsuzdur, bununla kim məşğul olsa, Çin qanunvericiliyi əsasında məsuliyyətə cəlb olunacaq", - XiN rəsmisi vurğulayıb.

Qeyd edək ki, ABŞ-ın dövlət katibi Mayk Pompeo Çini və başqa ölkələri vəhşi heyvanların satıldığı bazarları bağlamağa çağırıb.

Pərvanə Sultanova
Azvision.az

Teqlər: Çin   Bazar