Evdən çıxmaq üçün yalan SMS göndərənlər “qara siyahı”ya salınır
Azvision.az xəbər verir ki, bunu “Elektron Hökumətin İnkişafı Mərkəzi” publik hüquqi şəxsin direktoru Fariz Cəfərov “Real TV”-nin efirində deyib.
F.Cəfərov qeyd edib ki, 3 rəqəmi ilə yaxın qohumun dəfnində və yas mərasimində iştirakla bağlı sui-istifadə halları kifayət qədər çoxdur: “İlk günlərdə 40 minə yaxın SMS göndərilirdi. Düzdür, orta statistika 30 mindir. Amma bəzi günlərdə 40-45 min SMS göndərilib. İndi 15-16 min civarındadır. Amma yenə də bu rəqəm çoxdur. Biz mütəmadi olaraq sui-istifadə edib, icazə almaq istəyən şəxslərin şəxsiyyət vəsiqələri və seriya nömrələrini “qara siyahı”ya salırıq. Bununla sui-istifadə hallarının qarşısını almağa çalışırıq”.
Kənan Məmmədov
Azvision.az