Azərbaycanda 20-dən çox xəstəxanada koronavirus xəstələri müalicə alır

  06 Aprel 2020    Oxunub : 1716
 Azərbaycanda 20-dən çox xəstəxanada koronavirus xəstələri müalicə alır
Hazırda ölkəmizdə 20-dən çox xəstəxanada koronavirus xəstələri müalicə alırlar. Bu xəstəxanaların arasında bizim ən müasir xəstəxanamız – “Yeni klinika” da var. Bu klinika bu yaxınlarda - martın sonunda açılmışdır, orada 575 çarpayı nəzərdə tutulur. Nəzərə alsaq ki, klinika vaxtından əvvəl istifadəyə verilib, orada xəstələri qəbuletmə imkanları tədricən artacaq - ilkin mərhələdə 100 xəstə, sonra 300 və ondan sonra tam fəaliyyətə başlayacaq.
Azvision.az xəbər verir ki, bu fikirləri Prezident İlham Əliyev Azərbaycan xalqına müraciətində bildirib.

Dövlətimizin başçısı deyib: “Həmçinin bu il martın əvvəlində mənim iştirakımla bölgələrdə açılmış xəstəxanalar da koronavirus xəstələrinin ixtiyarına verildi. Qazax, GoranboyŞəmkir şəhərlərində yerləşən ən müasir xəstəxanalar koronavirus xəstələrinin müalicəsi ilə məşğuldur. Bu üç xəstəxanada çarpayıların sayı təqribən 500 ətrafındadır. Beləliklə, cəmi bir ay ərzində mindən çox çarpayılıq, ən müasir standartlara uyğun tibbi müəssisələr istifadəyə verildi və orada koronavirus xəstələri müalicə alırlar”.

Azvision.az

Teqlər: Prezident   Koronavirus