Yol tikintisinə görə ağacları köçürdülər

  30 Mart 2020    Oxunub : 2032
Yol tikintisinə görə ağacları köçürdülər
Xırdalan şəhəri, Heydər Əliyev prospektinin genişləndirilməsi və yenidənqurulması məqsədilə tikinti altına düşən ağacların köçürülməsi və götürülməsinə ictimai dinləmədən sonra Dövlət Ekspertiza İdarəsi tərəfindən rəy verilib.
Azvision.az -ın məlumatına görə, Dövlət Ekspertiza İdarəsinin rəisi Mirsalam Qəmbərov jurnalistlərə bildirib ki, Abşeron rayon İcra Hakimiyyəti tərəfindən edilmiş müraciət əsasında sözügedən layihə maraqlı tərəflərin, ekspert və QHT nümayəndələrinin iştirakı ilə ictimai dinləməyə çıxarılıb.

"Müzakirələrdə layihənin dövlət və sosial-infrastruktur əhəmiyyətli olduğu nəzərə alınaraq tikinti altına düşən və köçürülməsi mümkün olan ağac və kol bitkilərinin budanaraq köçürülməsinə, köçürülməsi mümkün olmayan ağacların isə götürülməsinə rəy verilib”.

M.Qəmbərovun qeyd edib ki, ağaclar rayon Yaşıllaşdırma İdarəsi tərəfindən budanaraq kök torpağı ilə birlikdə çıxarılıb və digər münbit əraziyə köçürülüb.

Aytən Zəhra
Azvision.az


Teqlər: ETSN   Ağac