“Dəniz Mall”un açılışı təxirə salınıb

“Dəniz Mall”un açılışı təxirə salınıb
  11 Mart 2020    Oxunub:3460
“Dəniz Mall” ticarət mərkəzinin açılışı təxirə salınıb.
Azvision.az xəbər verir ki, bu barədə ticarət mərkəzinin "Facebook" səhifəsində məlumat yayılıb.

Bildirilib ki, Azərbaycan Respublikası Nazirlər Kabineti yanında operativ qərargah ictimaiyyət üçün 10 mart tarixli açıqlamasında ayrı-ayrı qurumlar və vətəndaşlara yönəlik çağırış və tövsiyələr edib.

Bu çağırışdan irəli gələrək, eyni zamanda koronavirusun yayılmasının qarşısının alınması sahəsində dövlətin həyata keçirdiyi tədbirlərə dəstək olaraq “Dəniz Mall”un 12 mart tarixinə planlaşdırılan açılışı qeyri-müəyyən vaxtadək təxirə salınıb. Yeni açılış tarixi barədə əlavə məlumat veriləcək.

Qeyd edək ki, operativ qərargah koronavirusa yoluxma hallarının qarşısının alınması baxımından ayrı-ayrı qurumları yaxın müddətdə hər hansı kütləvi tədbir keçirməməyə, artıq təyin olunan tədbirlərin tarixini dəyişdirməyə çağırıb, vətəndaşlara qapalı və adamların sıx toplaşdığı məkanlardan uzaq olmağı tövsiyə edib.

Azvision.az



Teqlər: Koronavirus  





Xəbər lenti