“Əli Kərimlinin partiya sədri olması qanunsuzdur” - Məhkəmə işi
Bəhruz Bayramov hələlik ordeni olmadığından məhkəməyə yalnız müşhidəçi qismində qatıldığını bildirib. Təzəxan Mirələmli isə özünü AXCP-nin səlahiyyətli şəxslərindən biri kimi təqdim edib.
Şikayətçi Aydın Əliyev AXCP-dən qanunsuz yolla uzaqlaşdırıldığını deyib və partiya sıralarına bərpa olunmasını xahiş edib.
Daha sonra hakim fasilə elan edib.
Fasilə zamanı Təzəxan Mirələmli ilə iddiaçı Aydın Əliyev arasında polemika yaşanıb. Müdafiə tərəfi partiyanın sonuncu qurultayındakı dəyişikliklərin rəsmən tanınmadığını bildirib. Hesab edirlər ki, bu səbəbdən onun NTK sədri statusu qanunsuz sayılmalıdır.
“Deməyinizdən belə çıxır ki, Əli Kərimlinin partiya sədrliyi də qanunsuzdur. Çünki sonuncu qurultayda Əli Kərimli də sədr seçilmişdi. Təzaxan Mirələmliyə görə Əli Kərimlinin sədrliyi qanunsuzdur”, - deyə Aydın Əliyev qarşı tərəfin iddiasına cavab verib.
Fasilədən sonra hakim Rəşid Səmədov cavabdeh tərəfin vəkilinin iştirak etməməsi səbəbindən məhkəməni təxirə salıb.
Qeyd olunub ki, növbəti məhkəmə prosesi 13 mart tarixində keçiriləcək.
Bəxtiyar Məmmədov
Azvision.az
Teqlər: AXCP Əli-Kərimli Məhkəmə