Koronavirus Ermənistanda siyasi narazılığa səbəb oldu

  03 Mart 2020    Oxunub : 2000
Koronavirus Ermənistanda siyasi narazılığa səbəb oldu
“Çiçəklənən Ermənistan” partiyasının lideri, parlament fraksiyasının rəhbəri hakimiyyətin ölkədə koronavirusun yayılmasının qarşısını almaq üçün həyata keçirdiyi tədbirlərdən narazıdır.

Azvision.az xəbər verir ki, bu barədə partiyanın rəhbəri Qaqik Tsarukyan deyib.
Onun sözlərinə görə, bir ay əvvəl xəstəxanalara və aptek sahiblərinə lazımi dərman, maska ehtiyatlarının yığılmasını tapşırmaq lazım idi.

“İndi virus bizə çatıb, ancaq görürsən ki, nə maska var, nə də dərmanlar”, - deyə Tsarukyan vurğulayıb.

O bildirib ki, hakimiyyətdəki səlahiyyətlilər bir vaxta qədər tövsiyələrə qulaq asmayıblar, indi isə özlərinə haqq qazandırmaq üçün bəhanələr axtarırlar.

"Çiçəklənən Ermənistan"ın rəhbəri COVID-19-da şübhəli bilinən insanların Tsakadzora göndərilməsi qərarını da müsbət qarşılamır. Tsarukyan bunun turizm biznesinə ciddi zərbə vurduğunu hesab edir:

"Ora gedin, görərsiniz ki, boşdur. Bu adamlar gələn kimi bütün sifarişlər ləğv edildi. Orada olanlar isə dərhal ərazini tərk ediblər”.

Pərvanə Sultanova
Azvision.az

Teqlər: Ermənistan   Koronavirus