ABŞ konqresmeni Xocalı ilə bağlı bəyanat verdi
Konqres üzvü Ermənistan-Azərbaycan münaqişəsinin ən qara fəsli adlandırdığı Xocalı qətliamının qurbanlarını dərin hüznlə yad edib və bildirib ki, 1991-ci ilin payızında Erməni və Sovet qüvvələri Dağlıq-Qarabağ bölgəsinin Xocalı şəhərini mühasirəyə almağa başlamış, şəhəri bombaladıqdan sonra Fevralın 25-dən 26-na keçən gecə qüvvələr hücuma keçmiş, qadınlar, uşaqlar və yaşlı insanlar daxil olmaqla 600 günahsız Azərbaycanlını qətlə yetirmişlər. Yüzlərlə insan əlil qalıb.
Human Rights Watch təşkilatının 1992-ci il hesabatına istinad edən Konqres üzvü qeyd edib ki, şəhərdən qaçan əhaliyə qarşı hücumlar “qəsdən adət hüququnun qoyduğu məhdudiyyətlərə məhəl qoymamışdır”.
Konqres üzvü daha sonra vurğulayıb ki, Xocalı qurbanları bizə sülhün dəyərini xatırladır. ABŞ-ın və beynəlxalq ictimaiyyətin danışıqlar yolu ilə səylərinə baxmayaraq, münaqişə hələ də davam edir. Bununla əlaqədar, münaqişəyə tərəflər on illər boyu davam edən bu münaqişənin həlli istiqamətində Minsk Prosesinə dəstək verməyə çağırılır.
Demək olar, 30 ilə yaxın bundan əvvəl Xocalıda baş vermiş dəhşətli hadisələr zamanı həyatlarını itirmiş günahsız insanların xatirəsini bir daha yad edən Konqres üzvü digər həmkarlarını Azərbaycanın bu faciəvi gününü xatırlamağa çağırıb.
Azvision.az
Teqlər: ABŞ Xocalı Konqres Bəyanat