Hüseynbala Mirələmovun da nəticələri ləğv edildi - YENİLƏNİB
Azvision.az xəbər verir ki, müraciət barədə MSK üzvü İlkin Şahbazov məlumat verib.
İ.Şahbazovun sözlərinə görə, müraciət 3 istiqamət üzrə araşdırılıb. Bəlli olub ki, seçkiyə müdaxilə halları öz əksini tapıb.
Bundan əlavə, yekun protokollarda seçicilərin iradəsini müəyyənləşdirməyə imkan verməyən hallar aşkarlanıb. Ümumilikdə, 40 məntəqədən 21-də qanun pozuntusu halları müəyyən edilib.
Beləliklə, MSK müraciəti təmin edərək dairənin nəticələrinin ləğvi barədə qərar qəbul edib.
Qeyd edək ki, Mərkəzi Seçki Komissiyasının Milli Məclisə növbədənkənar seçkilərlə əlaqədar açıqladığı ilkin nəticələrə əsasən, 33 saylı Xətai Birinci Seçki Dairəsinin lider namizədi Hüseynbala Mirələmov idi.
Elvin Abdulqədirov
Azvision.az
Teqlər: MSK