Konsulluqdan gömrük rəisinin həbsi ilə bağlı AÇIQLAMA

Konsulluqdan gömrük rəisinin həbsi ilə bağlı AÇIQLAMA
  18 Dekabr 2013    Oxunub:1136
Azərbaycanın Qarsdakı Baş Konsulluğu Naxçıvanın Sədərək gömrük-keçid məntəqəsinin rəisi Mirməhəmməd Seyidovun Türkiyədə həbs edilməsinə münasibət bildirib.

Konsulluqdan AzVision.az-a bildiriblər ki, hadisə ilə bağlı onlarda rəsmi məlumat olmasa da baş konsul Ayxan Süleymanov gömrük rəisinin həbsinin səbəbini araşdırır.

Qeyd edilir ki, yaxın saatlarda həbslə bağlı daha geniş məlumat veriləcək.

Türkiyə mətbuatının yazdığına görə, Naxçıvanın Sədərək gömrük-keçid məntəqəsinin rəisi Mirməhəmməd Seyidov İstanbuldan Qarsa gələndə təyyarədən endikdən sonra rüşvət və qaçaqmalçılıq əməliyyatı çərçivəsində saxlanılıb.

Onun həbsinin İğdır Dilucu sərhəd keçid məntəqəsi əməkdaşlarına qarşı irəli sürülən ittihamlarla bağlı olduğu deyilir.

Sevinc İltifatqızı


Teqlər:  





Xəbər lenti