Azərbaycanın göndərdiyi yardım Albaniyaya təqdim olundu

  13 Dekabr 2019    Oxunub : 1923
 Azərbaycanın göndərdiyi yardım Albaniyaya təqdim olundu
Azərbaycanın Albaniyaya göndəriyi humanitar yardım rəsmi olaraq təqdim olunub.

Xarici İşlər Nazirliyindən Azvision.az -a verilən məlumata görə, Albaniyada noyabrın 26-da baş verən 6,4 bal gücündə zəlzələnin törədiyi fəsadların aradan qaldırılması məqsədilə Prezident İlham Əliyevin tapşırığı ilə Azərbaycan hökuməti tərəfindən 500.000 avro dəyərində yardım göstərilib.
Azərbaycanın Yunanıstandakı səfiri Anar Hüseynov ilə Albaniyanın Yunanıstandakı səfiri Aridana Hobdari arasında keçirilən görüş zamanı yardımla bağlı simvolik çek qarşı tərəfə təqdim edilib.

Səfir Aridana Hobdari yardımına görə ölkəsi adından Azərbaycana təşəkkürünü bildirib və iki dövlət arasında mövcud dostluq münasibətlərinin bundan sonra da inkişaf edəcəyinə inamını ifadə edib.

Azvision.az

Teqlər: Albaniya   Yardım   XİN