Bu ilin 9 ayında nikahların sayı 47 mini ötüb

  22 Noyabr 2019    Oxunub : 2003
Bu ilin 9 ayında nikahların sayı 47 mini ötüb
"Notariuslar tərəfindən 2019-cu ilin 9 ayı ərzində aparılan əməliyyatların sayı 30% artaraq 3,9 milyona çatıb, bunun da 97%-i ölkədə geniş tətbiq olunan xüsusi notariat institutu tərəfindən həyata keçirilib".
Azvision.az xəbər verir ki, bunu Ədliyyə naziri, Məhkəmə-Hüquq Şurasının sədri Fikrət Məmmədov bildirib. Onun sözlərinə görə, qeydiyyat orqanlarında 226 500-dən çox vətəndaşlıq vəziyyəti aktı rəsmiləşdirilib, doğumun sayı 107 mini, nikahın sayı isə 47 mini ötüb:

"Ölkə başçısının təşəbbüsü ilə yaradılaraq dünyada Azərbaycan brendi kimi məşhurlaşan və bu günədək 34 milyona yaxın müraciətlə bağlı insanların faydalandığı "ASAN xidmət" mərkəzlərində bu ilin 9 ayında verilən 3,2 milyona yaxın sənədlərin 45%-i məhz həmin mərkəzlərdə fəaliyyət göstərən notariat və qeydiyyat orqanlarının payına düşüb".

Azvision.az

Teqlər: Ədliyyə   Nikah