Tanınmış erməni idmançı Moskvada öldürüldü

Tanınmış erməni idmançı Moskvada öldürüldü
  14 Noyabr 2019    Oxunub:1946
Moskvada erməni idmançı Aşot Bolyan öldürülüb.

Azvision.az Rusiya mətbuatına istinadən xəbər verir ki, qətl dünən axşam saatlarında Moskvanın cənub-qərbində törədilib. Onun cəsədi Naximov prospektindəki evinin yaxınlığında tapılıb.
Məlumata görə, Bolyan özünə məxsus “Infiniti” markalı avtomobilin yaxınlığında güllələnib. Naməlum şəxs idmançıya baş nahiyəsindən atəş açıb, sonra hadisə yerindən qaçıb.

Rusiya İstintaq Komitəsinin Moskva üzrə istintaq idarəsində hadisə ilə bağlı cinayət işi açılıb. Hazırda cinayəti törədən şəxsin saxlanılması üçün əməliyyat-axtarış tədbirləri aparılır.

Qeyd edək ki, 40 yaşlı Bolyan tay boksu üzrə üç qat dünya çempionudur. Bir sıra beynəlxalq turnirlərdə 17 dəfə çempion adını qazanıb.

Bundan əlavə, idmançı zərbə endirilməsi sürəti üzrə özünəməxsus rekord müəyyənləşdirib. O, bir saniyədə Bolyan 11 zərbə endirib, bunlardan 8-i əlləri, 3-ü isə ayaqları ilə olub.

İdmançı 2004-cü ildə Rusiyaya köçüb. Son vaxtlar Ümumdünya Erməni Konqresinin idman şöbəsinə rəhbərlik edib, Ümumdünya Erməni İdman Federasiyaları Birliyinin prezidenti olub.

Pərvanə Sultanova
Azvision.az


Teqlər: Rusiya   İdmançı   Qətl  





Xəbər lenti