“Gələn il sosial müdafiə xərcləri 31% artacaq” - Oqtay Əsədov
“Biznesin başlanılmasına görə ölkəmiz dünyada 9-cu yeri tutub. Azərbaycanda ardıcıl xarakter daşıyan islahatlar iqtisadi inkişaf üçün əvvəlki illərdə yaradılmış potensialı daha da gücləndirir".
O.Əsədovun sözlərinə görə, qeyri-neft sənayesi, xüsusilə kənd təsərrüfatı sürətlə inkişaf edir. Ölkədə valyuta ehtiyatı son bir ildə 9%-dən çox artaraq 48,5 milyard dollar təşkil edib. 9 ayda ölkə iqtisadiyyatına 10 milyard manatdan çox investisiya yatırılıb. Bu vəsaitin 60 faizdən çoxu qeyri-neft sektoruna yönəlib. 9 ayda əhalinin gəlirləri 8,9% artıb, inflyasiya isə cəmi 2,6% təşkil edib.
Spiker qeyd edib ki, ölkədə həyata keçirilən düşünülmüş iqtisadi siyasət, innovativ inkişaf dövlətə etimadı yüksəldir:
“İqtisadi inkişafın artımı 2020-ci ildə də davam edəcək. Ümumi daxili məhsul 3% artacaq. Gələn ilin büdcəsində cari xərclərin həcmi bu ilə nisbətən 40% artacaq. 2020-ci ilin büdcəsi sosialyönümlü olacaq. Gələn il sosial müdafiə və sosial təminat xərcləri 31% artacaq”.
Anar Kəlbiyev
Azvision.az
Teqlər: Milli-Məclis Oqtay-Əsədov