Vilayət Eyvazovun Gəncədəki qəbul vaxtı dəyişdirildi

  24 Oktyabr 2019    Oxunub : 1049
Vilayət Eyvazovun Gəncədəki qəbul vaxtı dəyişdirildi
Azərbaycan Respublikasının Daxili İşlər naziri tərəfindən Gəncə şəhərində keçirilməsi nəzərdə tutulmuş vətəndaş qəbulunun vaxtı dəyişdirilib.
Daxili İşlər Naziriliyindən (DİN) Azvision.az-a verilən məlumata görə, Daxili İşlər naziri, general-polkovnik Vilayət Eyvazov tərəfindən 2019-cu il oktyabrın 31-də Gəncə Şəhər Baş Polis İdarəsində Gəncə, Göygöl, Samux, Kəlbəcər, Şəmkir, Ağstafa, Tovuz, Gədəbəy, Qazax, Daşkəsən şəhər və rayonlarının sakinlərinin qəbulunun keçirilməsi nəzərdə tutulub.

Vətəndaşlar daxili işlər orqanlarının əməkdaşlarının fəaliyyətinə və Daxili İşlər Nazirliyinin səlahiyyətlərinə aid məsələlərlə bağlı müraciət etməklə qəbula yazıla bilərlər.

Qəbula gələnlər şəxsiyyət vəsiqəsini təqdim etməlidirlər.

Azvision.az

Teqlər: DİN   Vilayət-Eyvazov