“Xəzər bağları”nda yayılan qoxunun səbəbi məlum oldu
23 Oktyabr 2019
Oxunub:1741
Ekologiya və Təbii Sərvətlər Nazirliyinə Sumqayıt şəhərinin “Xəzər bağları” massivində ətrafa iy-qoxunun yayılması ilə bağlı şikayət daxil olub. Nazirliyin əməkdaşları şikayəti yerində araşdırıblar.
Azvision.az -ın məlumatına görə, Nazirliyin 4 saylı Regional Ekologiya İdarəsinin rəisi Mübariz Vəliyev bildirib ki, araşdırma zamanı iy-qoxunun “Xəzər bağları” massivi ilə Xəzər dənizi arasındakı qamışlıq sahədə səhər saatlarında baş verən yanğın nəticəsində ətrafa yayıldığı məlum olub.
Yanğının hansı səbəbdən baş verdiyi aidiyyəti qurumlar tərəfindən araşdırılır.