“Kapital Bank”ın əməkdaşları 123 yaşlı müştərini ziyarət etdi

  27 Sentyabr 2019    Oxunub : 680
“Kapital Bank”ın əməkdaşları 123 yaşlı müştərini ziyarət etdi
Hər il olduğu kimi, “Kapital Bank” 1 oktyabr- Beynəlxalq Ahıllar Günü ərəfəsində maraqlı sosial aksiyalar həyata keçirir. Bu il ahıl insanlar üçün hazırlanan tədbirlə yanaşı, həmçinin “Kapital Bank”ın əməkdaşları bankın ən yaşlı müştərisinə baş çəkib, onu qarşıdan gələn bayram münasibətilə təbrik ediblər.
Bankın Mətbuat xidmətindən Azvision.az -a daxil olan məlumata görə, Sona Səmədova- “Kapital Bank”ın Neftçala filialının müştərisidir. O, 1896-cı ildə indiki Neftçala rayonunun Beşdəli kəndində anadan olub.

123 yaşlı Sona nənənin 4 övladı, 22 nəvəsi, 35 nəticəsi və 19 kötücəsi var. O, təqaüdünü “Kapital Bank” vasitəsilə alır və ailəsinin bir neçə üzvü də bankın müştərisidir.

Sona nənənin yaşı çox olsa da, olduqca gümrah görünür. Ailə üzvlərinin dediyinə görə o, həmişə Neftçalada qalıb və buranın mülayim və təmiz təbiəti onun belə gümrah olmasına müsbət təsir edir.

“Bildiyiniz kimi Neftçala rayonu Kür çayı ilə Xəzər dənizinin qovuşduğu yerdə yerləşir və təmiz havası var. Əhali əsasən, balıq məhsulları yeyir. Burada yaşayanlar üçün 90-100 yaşa çatmaq adi haldır. Amma hələlik, rekord yaş həddi Sona nənədədir”, - deyə, 123 yaşlı müştərinin yaxınları bildirib.

“Kapital Bank” adından Sona Səmədovanın simasında bütün yaşlı insanları qarşıdan gələn Ahıllar Günü münasibətilə təbrik edirik və möhkəm can sağlığı arzulayırıq.

Azərbaycanda ən böyük filial şəbəkəsinə malik olan “Kapital Bank” 100 filialı və 13 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

Azvision.az


Teqlər: Bank