Miqrasiya Xidmətinin yeni “Çağrı Mərkəzi” istifadəyə verildi - FOTOLAR

  25 Sentyabr 2019    Oxunub : 1415
 Miqrasiya Xidmətinin yeni “Çağrı Mərkəzi” istifadəyə verildi - FOTOLAR
Dövlət Miqrasiya Xidmətinin yeni müasir avadanlıqlarla təmin olunan “919 Çağrı Mərkəzi” istifadəyə verilib.

Qurumdan Azvision.az -a verilən məlumata görə, Dövlət Miqrasiya Xidmətinin rəisi, III dərəcəli dövlət miqrasiya xidməti müşaviri Vüsal Hüseynov əsaslı təmirdən sonra yeni “919 Çağrı Mərkəzi”nin açılışında iştirak edib.


Xidmət rəisinə məlumat verilib ki, 2008-ci ildən fəaliyyət göstərən Çağrı Mərkəzində müasir standartlara cavab verən informasiya-kommunikasiya texnologiyaları tətbiq olunub. Çağrı Mərkəzinə gələn zənglər artıq yeni nəsil kompyuter proqramları vasitəsilə idarə edilir ki, bu da xidmət keyfiyyətinin daha da yüksəldilməsinə və operativliyə, o cümlədən vətəndaş məmnunluğunun təmin olunmasına müsbət təsir göstərir.



Vüsal Hüseynov zənglərin intensivliyi və müraciət zamanı orta gözləmə vaxtı ilə maraqlanıb. Gələcəkdə nəzərdə tutulan yeniliklərdən danışıb, əməkdaşlara uğurlar arzulayıb.



Qeyd edək ki, Dövlət Miqrasiya Xidmətinin “919 Çağrı Mərkəzi” cari ilin yanvar ayından həftənin bütün günləri 24 saat fasiləsiz olaraq fəaliyyət göstərir.



Azvision.az

Teqlər: DMX   Çağrı-Mərkəzi