Nazirlikdən güclü küləklə bağlı xəbərdarlıq

  21 Sentyabr 2019    Oxunub : 1677
Nazirlikdən güclü küləklə bağlı xəbərdarlıq
Sentyabr ayının 21-i səhər saatlarından başlayaraq ölkə ərazisində hava şəraitinin dəyişəcəyi gözlənilir.

Bu barədə Azvision.az -a Ekologiya və Təbii Sərvətlər Nazirliyinin Mətbuat xidmətinin rəhbəri İradə İbrahimova məlumat verib.
ETSN rəsmisi bildirib ki, Bakıda və Abşeronda günün birinci yarısında şimal küləyi güclənəcək. Ən güclü külək gündüz və axşam müşahidə olunacaq. Küləyin maksimal sürəti saniyədə 30-35 metrə çatacaq:

"Güclü küləyin əsməsi ilə əlaqədar vətəndaşlarımıza müraciət edirik ki, ehtiyatlı olsunlar, güclü külək nəticəsində iri gövdəli ağacların, onların budaqlarının aşma, sınma təhlükəsi var. Ona görə vətəndaşlarımıza tövsıyə edirik ki,
diqqətli olsunlar, ağacların altında durmasınlar, maşınları saxlamasınlar.Uşaqları güclü küləkli havada nəzarətsiz həyətə buraxmasınlar".

Azvision.az

Teqlər: ETSN   Nazirlik   Külək