Bakıda 19 yerdə məktəb yarmarkası açıldı

Bakıda 19 yerdə məktəb yarmarkası açıldı
  20 Avqust 2019    Oxunub:1161
Yeni tədris ili ərəfəsində Bakıda ənənəvi olaraq məktəb və ofis ləvazimatlarının topdan və pərakəndə satış yarmarkaları fəaliyyətə başlayıb.
Bu barədə Azvision.az -a Bakı Şəhər İcra hakimiyyətindən məlumat verilib.

Bildirilib ki, yaramarkalar Bakı Şəhər Ticarət və Xidmət Departamenti tərəfindən təşkil edilib: "Yarmarka çadırları metronun “Nəriman Nərimanov”, “Gənclik”, “Koroğlu”, “Qara Qarayev”, “Neftçilər”, “Xalqlar Dostluğu”, “Əhmədli”, “Azadlıq prospekti”, “Memar Əcəmi”, “İnşaatçılar”, “Elmlər Akademiyası”, “Nizami” stansiyalarının qarşısında, ümumilikdə 19 yerdə quraşdırılıb.

Yarmarka çadırlarında məktəblilər üçün lazım olan bütün ləvazimatlar təklif olunur. Yarmarkanın təşkilində əsas məqsəd valideynlərin az zaman sərf etməklə dərs vəsaitlərini, keyfiyyətli məktəb ləvazimatlarını güzəştli qiymətlərlə əldə etmələrinə kömək etməkdir. Yarmarkalar sentyabr ayının sonuna kimi davam edəcək".

Azvision.az



Teqlər: Yarmarka   Məktəb  





Xəbər lenti