Arvadını və uşağını yandıran kişi 3 dəfə evli olub - Təfərrüat
“Elmarla Mətanət ailələrinin razılığı ilə evlənmişdilər. Ancaq rəsmi nikahları olmayıb. Oğlanın əlinin sənəti, peşəsi yoxdur. Fəhləlik edirdi. İçki içən, həyat yoldaşına əziyyət verən adam olub. Təxminən 4-5 ay bundan öncə Mətanət ərinin şiddətlərindən bezərək anasıgilə gəlmişdi. Əri dəfələrlə onu özü ilə aparmaq, barışmağa çalışırdı. Qız gözü qorxduğu üçün geri qayıtmadı".
İcra nümayəndəsinin sözlərinə görə, M.Məsimovanın ailəsi Elmardan polisə şikayət edərək, onları narahat etdiyini bildirib: "Hadisənin baş verdiyi gecə təxminən saat 3-ün yarısında Elmar onlara gəlib və həyat yoldaşının üstünə benzin töküb. Mətanət yuxudan ayılıb, çölə qaçmaq istəyəndə onu buraxmayıb. Daha sonra bütün evi benzinlə yandırıb. Mətanət və anası yana- yana çölə qaçıblar. Evi tamamilə alov bürüyəndən sonra uşaq yadlarına düşüb. Ancaq onu xilas etmək mükün olmayıb. Uşağın cəsədini hüquq- mühafizə orqanları tapıb bizə verdi, dəfn etdik. Gəlinin meyiti isə rayona gətirilir”.
Q. Cəfərov qeyd edib ki, M.Məsimovanın atası xəstədir, bacısı qonşu kənddə yaşayır: "Qardaşı yenicə əsgərlikdən gəlib. Yas məclisini kənd camaatı idarə edir. Heç kimləri yoxdur. Oğlan evindən də kimsə gəlib maraqlanmayıb”.
Dəllərcəyir kəndinin bələdiyyə sədri Şaban Həsənov isə Azvision.az -a açıqlamasında deyib ki, Mətanət Məsimov Elmar Məsimovun 3-cü həyat yoldaşı olub.
“Oğlanın sanki psixoloji problemi var idi. Ailəsi normal olmayıb. Anası Bakıda yaşayır. Onun əvvəlki yoldaşından olan uşaqlarını anası saxlayır. Bu, üçüncü nikahıdır. Elmarın anası ilə də davaları olurdu, ailə münasibətləri normal deyildi”.
Şahanə Rəhimli
Azvision.az