BNA hava şəraiti ilə bağlı xəbərdarlıq etdi

BNA hava şəraiti ilə bağlı xəbərdarlıq etdi
  23 İyul 2019    Oxunub:2538
Bakı Nəqliyyat Agentliyi (BNA) müşahidə olunan küləkli hava şəraiti ilə əlaqədar bütün hərəkət iştirakçılarına ehtiyatlı olmağı tövsiyə edir.

Agentlikdən Azvision.az -a verilən məlumata görə, sərnişinlər avtobus dayanacaqlarında gözləyərkən diqqətli olmalıdır.
Dayanacaq məntəqəsinin ərazisindən kənarda avtobusa minib-düşməməli, həmçinin Nəqliyyat Mübadilə Mərkəzlərinin ərazisində eyni qaydalara riayət etməlidirlər. BNA sürücülərə tövsiyə edir ki, hərəkətdə olan zaman yollarda müəyyən edilən sürət həddinə və yol nişanlarının tələblərinə əməl etsinlər.

Hava şəraiti ilə əlaqədar paytaxt yollarına və ictimai nəqliyyat infrastrukturlarına nəzarət gücləndirilib. Vətəndaşlardan hər hansı bir narahatlıq olduğu zaman Bakı Nəqliyyat Agentliyinin “141” Çağrı Mərkəzinə zəng etmələri xahiş olunur.

Azvision.az



Teqlər: BNA   Hava  





Xəbər lenti