Trampdan daha bir qərar - Əfqanıstandakı qoşunlar da çıxarılır
Əfqanıstan prezidenti Əşrəf Qaninin sözçüsü Harun Çakansuri isə Trampın bu qərarının Əfqanıstanda sülhə elə də təsir etməyəcəyini deyib: “Əgər ABŞ qoşunları Əfqanıstandan çıxsa bunun ölkənin təhlükəsizliyinə hansısa təsiri olmayacaq, çünki son 4 il yarımda əfqanlar vəziyyətə tam nəzarət ediblər.”
“Taliban” silahlı hərəkatında isə Trampın bu addımı müsbət qarşılanıb. Hərəkatın sözçüsü Zabiulla Mücahid məsələyə birbaşa münasibət bildirməsə də, “Taliban”ın yüksək rütbəli komandiri ABŞ-ın tez bir zamanda belə bir qərar verməsindən təəccüb keçirdiklərini gizlətməyib: “Açığı desək, bizim tələblərimizə ABŞ-ın dərhal cavab verəcəyini gözləmirdik. Buna çox sevinirik, çünki nəhayət ki, həqiqəti dərk etdilər. Digər yaxşı xəbərlər də gözləyirik.”
Trampın bu qərarı ABŞ-ın Əfqanıstan üzrə xüsusi elçisi Zalmay Xəlilzadın 18 dekabrda Birləşmiş Ərəb Əmirliklərində “Taliban”la danışıqlar aparmasının ardından verilib.
Qeyd edək ki, Tramp Suriyadakı ABŞ qoşunlarının tam geri çəkilməsi barədə də qərar qəbul edib.
Leyla Elbrusqızı
Azvision.az
Teqlər: Taliban Əfqanıstan ABŞ