“Bizim problemimiz radikal dini cərəyanlarla bağlıdır” - Əflatun Amaşov
O bildirib ki, stabilliyimizin pozulması üçün əsas təhlükə islama yaxın radikal dini cərəyanlar və ideologiyalardan gəlir. "Bu sahədə ciddi problemlər yaranır. Azərbaycanda baş verən iqtisadi inkişaf ayrı-ayrı ölkələr tərəfindən müsbət qarşılanmır. Bəzi ölkələr var ki, Azərbaycanla bağlı sistemli şəkildə qarayaxma işi ilə məşğuldur. Bundan Ermənistan, erməni lobbisi istifadə etməyə çalışır. Bəzi qüvvələr var ki, sosial şəbəkələrdən fəal istifadə etməklə Azərbaycanı geriyə aparmağa, islami dəyərlərin hakim olduğu İslam dövlətinə çevirməyə çalışır. Bizim problemimiz radikal dini cərəyanlarla bağlıdır".
Şura sədri bildirib ki, hazırda Azərbaycan Mətbuat Şurası haqqında qanun üzərində iş aparılır və qanunda vətəndaşların şərəf və ləyaqətinin alçaldılmaması məsələsi diqqətdə saxlanılır.
Millət vəkili, həmçinin vurğulayıb ki, dini radikal cərəyanların Azərbaycana ayaq açmaması üçün qanunu sərtləşdirmək lazımdır.
Aytən Zəhra
Azvision.az
Teqlər: Əflatun-Amaşov