Lavrov və Çavuşoğlu Bakıda Kerç olayını müzakirə edib - Yenilənib
"Rusiyalı həmkarımla ikitərəfli məsələləri, ticarət, viza rejiminin mərhələli şəkildə aradan qaldırılması, birgə layihələrin həyata keçirilməsini müzakirə etdik. Biz Suriya, İdlibdəki vəziyyəti və digər regional məsələlər ətrafında fikir mübadiləsi apardıq", - Çavuşoğlu deyib.
XİN rəhbəri qeyd edib ki, Türkiyə və Rusiya prezidentləri arasında çox sıx dialoq mövcuddur, onlar davamlı olaraq görüşür, telefonda danışırlar: "Biz onların birgə qəbul etdikləri qərarları nəzərdən keçirdik. Həmçinin Kerç boğazında baş verən insident ətrafında müzakirə apardıq".
***
(11:00)
Bakıda keçirilən Qara Dəniz İqtisadi Əməkdaşlıq Təşkilatının (QİƏT) Xarici İşlər Nazirləri Şurasının 39-cu iclası çərçivəsində Rusiyanın xarici işlər naziri Sergey Lavrovla türkiyəli həmkarı Mövlud Çavuşoğlu arasında görüşü başlayıb.
Azvision.az "TASS"-a istinadən xəbər verir ki, görüş bağlı qapılar arxasında davam etdirilir. Gözlənilir ki, nazirlər Suriyadakı vəziyyəti müzakirə edəcəklər.
Elvin Abdulqədirov
Azvision.az