Səudiyyədən geriyə addım: Yəmənə hücumlar dayandırıldı
“Koalisiya Yəməndəki quru qüvvələrinə Hudeyda daxilində döyüşləri dayandırmaq barədə göstəriş verib”, - hərbi mənbələrdən biri deyib. Digər mənbə isə, koalisiyanın belə bir əmr verməsini təsdiqləyib.
Üçüncü mənbə isə bildirib ki, Səudiyyənin bu qərarı husilərin sülh danışıqlarında iştirakının təmin edilməsi üçün beynəlxalq birliyin atəşkəs barədə çağırışlarına cavabdır.
Xatırladaq ki, Yəməndə silahlı münaqişə 2014-cü ildə başlayıb. Münaqişənin tərəfləri ölkənin sabiq prezidenti Əli Abdullah Salehə sadiq ordu hissələri və şiə husi üsyançılar ilə hazırkı prezident Mənsur Hadi hökuməti və ona sadiq ordu birləşmələridir. 2015-ci ildən Səudiyyə Ərəbistanının başçılıq etdiyi ərəb ölkələri hərbi koalisiyası legitim hökumətə dəstək üçün Yəməndə husilərə qarşı əməliyyata başlayıb. ABŞ bu koalisiyaya kəşfiyyat və loqistika köməyi edir. İran isə husiləri dəstəkləyərək onlara hərbi-maliyyə yardımı göstərir. Hazırda Yəmənin paytaxtı Səna şəhəri husilərin nəzarətindədir.
14 iyundan başlayaraq, koalisiya qüvvələri Yəmənin Hudeyda liman şəhərindən husiləri çıxarmaq üçün “Qızıl qələbə” adlı hərbi əməliyyatlara başlayıb. Hudeyda Yəmənin şimalına humanitar yardımın çatdırılması üçün yeganə məntəqədir.
Leyla Elbrusqızı
Azvision.az
Teqlər: Səudiyyə Yəmən ABŞ İran husi