Məlum olub ki, sosial şəbəkələrdə fotosu paylaşılan və şəhid ailələri ilə kobud rəftar etdiyi iddia edilən şəxs elə şəhid övladıdır. O, Şuşanın qətlə yetirilmiş icra başçısı Mikayıl Gözəlovun oğlu Müşfiq Gözəlovdur. O, hazırda Səbail rayon polis bölməsində rəis müavini vəzifəsində çalışır.

Bəs cəmiyyətdə çaşqınlıq yaratmaq, həqiqətə uyğun olmayan informasiyanın kökü haradan qaynaqlanıb?



Məlumatı ilk dəfə Hollandiyada yaşayan, mütamadi olaraq, anti-Azərbaycan çağırışlar edən, ölkəmiz haqqında xarici ölkələrdə qarayaxma kampaniyası aparan, sosial şəbəkələr vasitəsilə dövlətimizin imicinə zərbə vurmağa hesablanmış videolar yerləşdirən azərbaycanlı bloqqer Orduxan Teymurxan paylaşıb. Məqsəd aydındır. Bakıda dinc şəkildə keçirilən kiçik bir toplanışdan istifadə edərək gərginlik yartamaq və bundan öz məqsədləri üçün istifadə etmək.

Şəhid adından istifadə edib Şəhid oğluna böhtan atanlar...

Femida.az həqiqətləri üzə çıxarmaq üçün həmin gün çəkilmiş videogörüntüləri də araşdırıb. Elə müxalifət saytlarının yayımladığı görüntülərə istinadən qeyd edirik ki, həmin kiçik toplanış zamanı heç bir gərginlik, polislə toqquşma və insanlara qarşı fiziki təyziq olmayıb. Həmin Meydan TV-nin yayımladığı videodan da açıq-aşkar görünür ki, şəhərin mərkəzi hissəsi ilə qrup halda hərəkət edən şəhid ailələrinin üzvləri polislə qarşılaşan zaman heç bir gərginlik baş vermir. Hətta şəhid anası ilə kobud rəftar edildiyi iddia edilən polis əməkdaşı Müşfiq Gözəlov Şəhid anasına “anam, istəsəniz sizi öz maşınımla ünvana apararam” sözlərini işlədir. Həqiqəti üzə çıxarmaq məqsədi ilə həmin gün qeydə alınan görüntüləri təqdim edirik:



Azvision.az