İrana qarşı sanksiyaların ikinci paketi qüvvəyə mindi
Azvision.az xəbər verir ki, 8 mayda birtərəfli qaydada nüvə sazişindən çıxan Vaşinqtonun İrana qarşı yeni sanksiyaları enerji, maliyyə-bank və gəmi daşımaları sektorlarına şamil olunub.
Sanksiyalar sənədinin 4-cü maddəsi isə xarici maliyyə qurumlarının İranın Mərkəzi Bankı və "qara siyahı"da göstərilən digər özəl bankları ilə əməkdaşlığını, həmçinin, onlara maliyyə xidmətləri göstərilməsini qadağan edir.
ABŞ maliyyə naziri Stiven Mnuçin bildirib ki, İrana qarşı ikinci sanksiyalar paketində 300-ü yeni olmaqla, ümumilikdə 700-dən çox fiziki və hüquqi şəxsin adı yer alıb.
Xatırladaq ki, ABŞ İrana qarşı sanksiyaların birinci mərhələsini 7 avqustda bərpa edib. Həmin sanksiyalar İranın avtomobil sektoruna, həmçinin, qızıl və digər metalların satışı sahəsinə tətbiq edilib.
Leyla Elbrusqızı
Azvision.az