Ermənistanın eks-baş nazirinə Rusiyada vəzifə verilir
Azvision.az xəbər verir ki, bu barədə “Kommersant” qəzeti etibarlı mənbələrinə istinadən məlumat yayıb.
Qəzet yazıb ki, Ermənistanın yeni hökuməti ilə yaxşı münasibətlər qurmağa cəhd etməklə yanaşı, Rusiya rəhbərliyi Karapetyana vəzifə verməklə bir növ İrəvana və erməni elitasına siyasi mesaj da ötürür ki, Moskva əvvəlki siyasi liderləri unutmur.
Həmçinin, “Zarubejneft” böyük neft şirkəti olmamasına baxmayaraq, onun 6 nəfərdən ibarət direktorlar şurasının Rusiyanın sabiq iri məmurlarından formalaşması Karapetyanın hələ də Kremlin siyasi orbitində “faydalı” fiqur olduğunu göstərir.
Erməni KİV-ləri yazır ki, bu, Ermənistanın yeni hökuməti, xüsusən də, baş nazir Nikol Paşinyana ciddi xəbərdarlıq olacaq. Həm də sübut edəcək ki, Moskvanın Ermənistan hakimiyyəti üçün alternativləri çoxdur. Bu cür alternativlərə Putinlə şəxsi əlaqələrə malik Robert Koçaryan, həmçinin Rusiya ilə biznes bağları olan erməni milyonçu və parlamentin deputatı Qaqik Çarukyan da daxildir.
Xatırladaq ki, Ermənistandakı "məxməri inqilab"dan sonra yaranan siyasi böhranda məhz Putinin zəngindən sonra Karapetyan Paşinyanla danışıqlardan imtina etmişdi.
Leyla Elbrusqızı
Azvision.az
Teqlər: Ermənistan Rusiya