Zağulba prospektinin bir hissəsi bağlanır

Zağulba prospektinin bir hissəsi bağlanır
  19 Oktyabr 2018    Oxunub:1119
20 oktyabr 2018-ci il tarixdə saat 8-00-dan 20-00-dək Bakı şəhəri, Xəzər rayonu, Zağulba prospektinin 28-ci km-də (Mərdəkan körpüsündən Zağulba istiqamətində) aparılacaq yol-təmir işləri ilə əlaqədar avtonəqliyyat vasitələrinin hərəkəti qısa müddətə məhdudlaşdırılıacaq.
Avtomobil Yolları Dövlət Agentliyindən Azvision.az-a verilən xəbərə görə, Zağulba istiqamətində hərəkət edən sürücülər Mərdəkan körpüsündən istifadə etməklə körpüdən sonra yol ayrıcında müvəqqəti təşkil ediləcək yol hissəsindən geriyə dönüş etməklə Zağulba istiqamətində hərəkətlərinə davam edə biləcəklər.

Yarana biləcək müvəqqəti narahatlığa görə, Azərbaycan Avtomobil Yolları Dövlət Agentliyi vətəndaşlardan üzr istəyir və sürücülərdən aparılacaq işlərə anlayışla yanaşmalarını xahiş edir.

Azvision.az


Teqlər: Yol   Təmir  





Xəbər lenti