Avropanın jandarmı olmaq istəmirik – Mərakeş
“Birincisi, mövqeyimiz ondan ibarətdir ki, Mərakeş hökuməti ölkə ərazisində miqrantların sığınacaq mərkəzlərinin yaradılmasına qəti şəkildə etiraz edir. İkincisi və əvvəlkindən heç də az önəm kəsb etməyən mövqeyimiz odur ki, miqrasiya məsələsində Mərakeş Avropa üçün jandarm olmaq istəmir.” – deyə, Mustafa əl-Həlfi qəti şəkildə vurğulayıb.
Nazir onu da əlavə edib ki, qanunsuz miqrasiya ilə mübarizədə Mərakeşin səylərinin dəstəklənməsi üçün rəsmi Rabat Avropa İttifaqını texniki və maliyyə dəstəyi göstərməyə çağırır.
Qeyd edək ki, Avropa qitəsindən yalnız dar Cəbəllütariq boğazı ilə ayrılan Mərakeş artıq neçə ildir ki, Şimali Afrikadan Avropa İttifaqı ölkələrinə keçmək istəyən qanunsuz miqrantlar üçün tranzit ölkə rolunu oynayır.
Leyla Elbrusqızı
AzVision.az