Deputatlarımız sabah Rusiyaya gedəcək

  22 Oktyabr 2013    Oxunub : 654
Deputatlarımız sabah Rusiyaya gedəcək
Millət vəkilləri Sankt-Peterburq şəhərinə səfər edəcəklər.
Milli Məclisin mətbuat xidmətindən AzVision.az-a verilən məlumata görə, Milli Məclisin Regional məsələlər komitəsinin sədri Arif Rəhimzadə, deputatlar Ərəstun Cavadov, Fəzail Ağamalı və Adil Əliyev sabah MDB PA-nın Daimi komissiyalarında və beynəlxalq konfransda iştirak etmək üçün Rusiyanın Sankt-Peterburq şəhərinə səfər edəcəklər. Səfər ayın 26-dək davam edəcək.

MDB Parlamentlərarası Assambleyasının Dövlət quruculuğu və yerli özünüidarəetmə təcrübəsinin öyrənilməsi üzrə Daimi komissiyasının iclasında bələdiyyə referendumlarının, seçkilərinin və səsvermənin təşkili və keçirilməsinin ümumi prinsiplərinə dair Tövsiyə layihəsi müzakirəyə çıxarılacaq.
Bir sıra model qanunlara baxılacaq, MDB-yə üzv dövlətlərin regionlararası əməkdaşlığına dair Konvensiyanın layihəsi ətrafında fikir mübadiləsi aparılacaq.

MDB PA-nın Nəzarət-büdcə komissiyasının iclasında qurumun maliyyələşdirilməsi məsələsi gündəmdə olacaq.Həmçinin bu komissiyanın 2014-cü ilə dair iş planı nəzərdən keçiriləcək.

AvropaMDB dövlətlərinin sosial-iqtisadi inkişafında regional və yerli hakimiyyət orqanlarının rolunun artırılması yolları” mövzusunda beynəlxalq konfransda əhalinin həyat səviyyəsinin yaxşılaşdırılması istiqamətində müzakirələr aparılacaq. Bunun üçün müasir strategiyalardan istifadə edilməsinə, innovasiya texnologiyalarının tətbiqində informasiya mübadiləsinə xüsusi maraq göstəriləcək. Regionlararası və sərhədyanı əməkdaşlıq sahəsində mövcud olan təcrübə, həmçinin perspektivlər müzakirə ediləcək.
Deputatlarımız bütün müzakirələrdə mövqelərini bildirəcəklər.

AzVision.az


Teqlər: