İsmayıllının İvanovka kəndində səyyar xidmət
İvanovka kəndində səyyar xidmətin imkanlarından ümumilikdə 8 şəxs istifadə edib. Onlardan 1 nəfərə Azərbaycan vətəndaşlığına qəbul, 2 nəfərə müvəqqəti yaşama, 3 nəfərə daimi yaşama icazəsinin verilməsi ilə bağlı tələb olunan sənədlərin adlı siyahıları, 1 nəfərə daimi yaşamaq üçün icazə vəsiqəsi və 1 nəfərə Azərbaycan Respublikası vətəndaşlığının tanınması barədə qərar təqdim edilib.
Səyyar xidmətin təşkil olunmasının əsas məqsədi regional idarənin xidməti ərazisinə daxil olan rayonların ucqar kəndlərində sağlamlıq və maddi imkanı məhdud olan, əlillik dərəcəsinə görə bilavasitə müraciət etməkdə çətinlik çəkən əcnəbilər və ya vətəndaşlığı olmayan şəxslər üçün DMX-nin fəaliyyət istiqamətinə uyğun olaraq müraciətlərin qəbulunu və cavablandırılmasını həyata keçirməkdir.
AzVision.az