Cənubi və Şimali Koreya arasında barış sazişi imzalandı
Qeyd olunub ki, tərəflər Koreya yarımadasında nüvə tərksilahı aparacaq və bu istiqamətdə beynəlxalq ictimaiyyətlə əməkdaşlıq üçün fəal səylər göstərəcəklər.
Dövlət başçıları təsdiqləyiblər ki, hər iki ölkə bir-birinə qarşı düşmənçilik fəaliyyətlərini dayandırırlar. Sənədə əsasən, Koreya yarımadasında bundan sonra heç vaxt müharibə olmayacaq: “Cənubi Koreya və KXDR, nəhayət ki, 1953-cü ildən bəri davam edən atəşkəsin sona çatmasını və onun sülh sazişinə çevrilməsini elan edir. Bu məqsədlə Cənubi Koreya, KXDR və ABŞ möhkəm sülh sisteminin bərqərar olması üçün üçtərəfli və ya dördtərəfli sammitlər keçirməlidir”.
Razılığa gəlinib ki, Cənubi Koreya Prezidenti Mun Çje İn KXDR-ə səfər edəcək. Səfər bu ilin payızında baş tutacaq.
AzVision.az