"Anadolu" və TRT-nin rəhbərləri AZƏRTAC-da
Qeyd olunub ki, AZƏRTAC və Anadolu uzun illərdir həm ikitərəfli qaydada, həm də beynəlxalq təşkilatlar çərçivəsində sıx əməkdaşlıq edirlər. Hazırda AZƏRTAC-ın eyni vaxtda Dünya Xəbər Agentlikləri Konqresinə və Asiya və Sakit Okean Ölkələri Xəbər Agentlikləri Təşkilatına sədrlik etdiyini diqqətə çatdıran baş direktor Anadolu-nun daim AZƏRTAC-a dəstək verdiyini, iki agentliyin səmərəli informasiya mübadiləsi apardığını vurğulayıb. Görüşdə türkdilli agentliklərin bu təşkilatlarda fəaliyyətinin genişləndirilməsi, eyni zamanda, hazırda AZƏRTAC-ın sədri olduğu Türkdilli İnformasiya Agentlikləri Birliyinin növbəti iclasının toplanması ilə bağlı məsələlər nəzərdən keçirilib.
Anadolu agentliyinin baş direktoru Şenol Kazancı iki qardaş ölkənin hər zaman bir-birinin yanında olduğunu, Türkiyə və Azərbaycan arasında əlaqələrin nümunəvi yaxınlığı ilə seçildiyini qeyd edib. “AZƏRTAC-ın timsalında Azərbaycanın iki böyük beynəlxalq media qurumuna sədrlik etməsi bizim üçün qürurvericidir”, - deyən Ş.Kazancı Anadolu-nun bundan sonra da AZƏRTAC-ın təşəbbüslərinə dəstək verəcəyini bildirib.
TRT-nin Azərbaycandakı təmsilçiliyinin uzun illərdir uğurla fəaliyyət göstərdiyini deyən telekanalın baş direktoru İbrahim Eren rəhbəri olduğu media qurumunun iki ölkə arasındakı əlaqələrə, Azərbaycanın bütün sahələrdə uğurlarının işıqlandırılmasına böyük diqqət ayırdığını söyləyib.
Görüşdə, həmçinin Anadolu agentliyinin və TRT-nin Bakı nümayəndəliklərinin rəhbərləri Tolqa Özgənc və Murat Akkoç iştirak ediblər.
AzVision.az
Teqlər: AZƏRTAC