“Yatıb dincəlmək, harasa getmək istəyirəm” - Qırğızıstan prezidenti
20 Noyabr 2017
Oxunub:1710
Qırğızıstan prezidenti Almazbek Atambayev prezidentlik səlahiyyətlərinin bitməsinə görə “böyük rahatlıq” hissi keçirdiyini bildirib.
AzVision.az xəbər verir ki, bu barədə “RİA Novosti” agentliyi məlumat yayıb.
“Düzünü deyəcəyəm, səlahiyyətlərimin bitməsinə görə böyük rahatlıq hissi keçirirəm. Çünki 6 il çox ağır il olub. Yuxusuz gecələr və ağır günlər olub. Çox ağır günlər olub, ölkə müharibənin astanasında idi. Bu anları xatırlamaq belə çətindir. Həkimlər mənə dedi ki, səndə xroniki yorğunluq var. Yatıb dincəlmək, harasa getmək istəyirəm”, - deyə Atambayev yekun mətbuat konfransında bildirib.