ABŞ Ərbil və Bağdadı sülhə çağırdı

  29 Sentyabr 2017    Oxunub : 1009
ABŞ Ərbil və Bağdadı sülhə çağırdı
ABŞ İraq Kürdüstanı və Bağdad arasındakı gərginliyi azaltmaq üçün kömək etməyə hazırdır.
AzVision.az-ın məlumatına görə, ABŞ Dövlət Departamentinin sözçüsü Heather Nauert bildirib ki, bu, yalnız ABŞ-dan kömək istənildiyi halda mümkündür:

“Həm İraq Kürdüstanı, həm də rəsmi Bağdadla çoxsaylı görüşlərimiz olub. Son bir neçə gün ərzində dövlət katibi hər iki tərəfdən olan həmkarları ilə görüşüb. Əgər istənilərsə, ABŞ iki tərəf arasında danışıqların başlaması üçün kömək edə bilər. Ancaq bu məsələdə açıq danışmaq istəyirəm. Bunun üçün ABŞ-dan kömək istəməlidirlər”.

H.Nauert deyib ki, gərginliyin artmaması diqqətli olmaq lazımdır: “Əvvəldən bu referenduma qarşı olduğumuzu bildirmişik. Bunun qeyri-sabitliyə gətirib çıxaracağını düşündük və bunu açıq şəkildə bəyan etdik”.

Kənan Məmmədov
AzVision.az

Teqlər: ABŞ   İraq