Ermənistan parlamentində korrupsiya skandalı: Rəislər işdən qovuldu
Belə ki, Ermənistan parlament heyətinin rəis müavini, işlər idarəsinin rəhbəri Erik Minasyan, maliyyə və mühasibat şöbəsinin rəis müavini Ruzanna Atoyan, mühasibat qeydiyyatı bölməsinin rəisi Susanna Ayvazyan tutduğu vəzifədən azad edilib.
Maliyyə və mühasibat qeydiyyatı şöbəsinin rəisi Vardan Tovmasyan isə rəis vəzifəsindən azad edilərək eyni şöbənin rəis müavini vəzifəsinə təyin edilib. Qəzetin verdiyi məlumata görə, qeyd edilən şəxslərin fəaliyyətlərinin araşdırılması nəticəsində milyonlarla vəsaitin sui-istifadə yolu ilə mənimsənilməsi halları aşkar edilib.
Qeyd edək ki, Ermənistanda keçirilən sonuncu parlament seçkilərində qalib gələn yeni deputatlar öz otaqlarını təmir etmək məqsədilə, sözügedən heyətə müraciət etmişdi. Lakin mühasibatlıqdan alınan cavab yeni deputatları çıxılmaz vəziyyətə salmışdı. Belə ki, mühasibatlıq parlamentin büdcəsində yetərli vəsaitin olmadğını iddia edərək deputaların otaqlarını təmir edilməyəcəyini bildirmişdi.
Baş verən korrupsiya skandalının parlamentin sabiq sədri Qalust Sahakyanın icazəsi ilə icra edildiyi bildirilir.
Alpər Mövludoğlu
AzVision.az
Teqlər: Ermənistan parlament korrupsiya