Ərdoğanın təltif etdiyi aprel şəhidi - 33 yaşı olacaqdı... (FOTOLAR)

Ərdoğanın təltif etdiyi aprel şəhidi  -  33 yaşı olacaqdı... (FOTOLAR)
  13 İyul 2017    Oxunub:35196
Bu gün aprel döyüşlərində şəhid olan Xüsusi Təyinatlı Qüvvələrin kapitanı Mühüd Orucovun doğum günüdür.
AzVision.az xəbər verir ki, M.Orucov yaşasaydı, 33 yaşını qeyd edəcəkdi.

Qeyd edək ki, Mühüd Orucov 1984-cü il 13 iyulda Qazax rayonunun Fərəhli kəndində anadan olub. Orta məktəbi doğma kəndində oxuyan Orucov 8 sinifi bitirəndən sonra Cəmşid Naxçıvanski adına Hərbi Liseyə daxil olub. 2002-ci ildə həmin məktəbi bitirib Heydər Əliyev adına Azərbaycan Ali Hərbi Məktəbinə qəbul olub. 2006-cı ildə isə həmin məktəbin qoşun kəşfiyyatı ixtisasını bitirib. Türkiyədə bir neçə aylıq kurs keçib. Keçdiyi kursda Azərbaycan komandası olaraq birinci yeri qazanıblar. Türkiyə Respublikasının hazırkı prezidenti Rəcəb Tayyib Ərdoğan şəxsən özü onları təltif dib.



O, bir neçə uğurlu əməliyyatların iştirakçısı olub. 2014-cü ilin avqust ayında ön cəbhədə uğurlu əməliyyat həyata keçirib. Ermənilər həmin əməliyyatlarda böyük itkiyə məruz qalıb. Bu əməliyyatlardan sonra M.Orucov Ai Baş Komandan İlham Əliyev tərəfindən təltif edilib.



Kapitan Mühüd Orucov 2016-cı ilin aprel ayında baş verən döyüşlərdə qəhrəmancasına şəhid olub. Şəhid kapitan aprelin 12-də doğulduğu Fərəhli kəndində son mənzilə yola salınıb.

Mühüd Orucov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "İgidliyə görə" medalı ilə təltif edilib.

Mühüd Orucov ailəli idi, əkiz oğlanları yadigar qalıb.







Anar Kəlbiyev
AzVision.az


Teqlər: Aprel-döyüşü   Şəhid   Mühüd-Orucov  





Xəbər lenti