"Rusiya açıq şəkildə göstərir ki, Ermənistanın tərəfindədir" - Politoloq
Bunu AzVision.az-a politoloq, keçmiş dövlət müşaviri Qabil Hüseynli deyib. Politoloq hesab edir ki, Rusiyanın Azərbaycana qarşı münasibəti təəccüb doğrur.
Q.Hüseynlinin fikrincə, Rusiya qaşınmayan yerdən qan çıxarmağa çalışır: “Dövlətlərarası münasibətlərdə normal sayıla biləcək məsələri şişirdərək az qala problem halına gətirmək istəyirlər. Rusiya açıq şəkildə nümayiş etdirmək istəyirlər ki, Ermənistanın tərəfindədir və ermənilərə qarşı xüsusi münasibət var. Bu da beynəlxaq hüquqda, diplomatik münasibətlərdə qəbuledilməz haldır. Kiminsə, bir millətə xüsusi münasibəti ola bilər, amma bunun dövlətin xarici siyasətini yönləndirən qurumun adından xüsusi bəyanat formasında səsləndirilməsi dünya praktikasında görülməmiş hadisədir və hər cür pislənməyə layiqdir. Azərbaycan tərəfi Rusiyanın bəyanatına təmkinli formada cavab verib”.
Politoloq vurğulayıb ki, ATƏT-in həmsədrlik institute özünü doğrultmayan bir quruma çevrilib: “Amma, bu qurumun fəaliyyətinin tormozlanmasında, müəyyən təşəbbüslərin boğulmasında Rusiyanın böyük rol oynadığını görməmək mümkün deyil. Yəni, Rusiya tərəfi digər beynəlxalq təşkilatın bu işə qarışmasını istəmir. Bu işə qarışan beynəlxaql təşkilatları öz təsiri, inhisarı altında saxlamağa çalışır.
“Zənnimcə ATƏT-in Minsk qrupunun fəaliyyətsiz və təsirsiz bir duruma düşməsində Rusiya və onun oradakı həmsədrinin fəaliyyəti böyük rol oynayır”.
Elvin Abdulqədirov
AzVision.az
Teqlər: Qabil-Hüseynli Politoloq Rusiya