İğdırdakı qəzada 13 yaşlı azərbaycanlı qız ölüb

  20 Fevral 2017    Oxunub : 2435
İğdırdakı qəzada 13 yaşlı azərbaycanlı qız ölüb
Türkiyənin İğdır vilayətində baş vermiş ağır yol qəzasında ölən Azərbaycan vətəndaşlarından ikisinin şəxsiyyəti məlum olub.
AzVision.az Trend-ə istinadən xəbər verir ki, hadisə nəticəsində ölən 8 nəfərdən 4-ü Azərbaycan vətəndaşıdır. Onlardan ikisi Naxçıvan sakinləri Süleyman Əliyev və Fərhad Fərhadlıdır.

Üzərində sənədi olmayan, lakin azərbaycanlı olduğu ehtimal edilən yaşlı bir qadınla 13 yaşındakı qız uşağının şəxsiyyəti hələ müəyyənləşməyib.

Qeyd edək ki, bundan əvvəl qəza nəticəsində 5 Azərbaycan vətəndaşının öldüyü bildirilirdi. Hadisə zamanı 28 nəfər xəsarət alıb ki, onlardan da 26-sı Azərbaycan vətəndaşıdır.

AzVision.az

Teqlər: