Magistraturaların boş qalan yerlərinə sənəd qəbulu başladı

  19 Avqust 2013    Oxunub : 593
Magistraturaların boş qalan yerlərinə sənəd qəbulu başladı
Bu gündən Azərbaycanın ali təhsil müəssisələrinin magistraturalarının boş qalan plan yerlərinə daxil olan bakalavrların qeydiyyatına başlanılıb.

Tələbə Qəbulu üzrə Dövlət Komissiyasının (TQDK) mətbuat xidmətindən AzVision.az-a verilən məlumata görə, magistraturalarının boş qalan plan yerlərinə qəbul olunanlar 2013-cü il avqustun 19-dan 28-dək sənədlərini qəbul olduqları təhsil müəssisəsinə təqdim edərək qeydiyyatdan keçməlidirlər.
Həmin müddətdə qeydiyyatdan keçməmək bakalavrın müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri ali təhsil müəssisəsinə göndərilməyəcək.

Magistraturanın boş qalan plan yerlərinə qəbul olmaq üçün 1539 bakalavr müraciət edib. Müsabiqə nəticəsində onlardan 643 nəfəri magistratura səviyyəsi üzrə təhsil almaq hüququ qazanıb.

AzVision.az

Teqlər: